 |
del.icio.us |
 |
Digg |
 |
Furl |
 |
|
 |
Rojo |
| Add to OnlyWire |
|
|||||
| Sententia nationalis: Пролетарии всех стран, соединяйтесь! (Proletarii vsech stran, sojedin'aites'!) "Omnium terrarum proletarii, coniungite!!" |
|||||
 |
|||||
| Caput | Moscua | ||||
| Lingua publica | Non erat (Lingua Russica erat lingua communicationis internationalis.) | ||||
| Ambitus (1991) | 22 402 200 km² | ||||
| Incolae (1991) | 293 047 571 incolarum | ||||
| Condita | 30 Decembris anno 1922 | ||||
| Dissoluta | 26 Decembris anno 1991 | ||||
| Moneta | Rubelus Unionis Sovieticae | ||||
| Hymnus nationalis | Internationalis hymnus (ad annum 1944), Hymnus Unionis Sovieticae (ab anno 1944) |
||||
| Interretis abbreviatio | .su | ||||
Unio Rerum Publicarum Socialisticarum Sovieticarum[1] (Russice: Союз Советских Социалистических Республик, Sojuz Sovetskich Socialističeskich Respublik, vel СССР), seu brevius Unio Sovietica (Russice: Советский Союз, Sovetskij Sojuz), in Europa orientali et Asia boreali centralique sita, fuit maxima mundi civitas usque ad annum 1991 cum dissoluta est..
CCCP ab anno 1954 usque ad annum 1991 15 res publicas includebat. Quarum maxima erat Russia, illo tempore Russica Sovietica Foederativa Socialistica Res Publica (RSFSR) nominata. Sovieticae Unionis caput erat Moscua.
CCCP rectionis genus erat socialismus cuius meta professa erat illam Unionem in Civitatem communisticam transformare. Factio regnatrix erat Factio Communistica Unionis Sovieticae.
Index |
Historia
Expansio
30 Decembris anno 1922 sovieticae socialisticae res publicae Russia, Ucraina, Ruthenia Alba et Foederatio Transcaucasica Rerum Publicarum Socialisticarum Sovieticarum Unionem creaverunt. Deinde ceterae terrae etiam factae sunt res publicae Unionis Sovieticae:
- 1925 – Turcomannia et Uzbecia (formatae post terminationem nationalem rerum publicarum sovieticarum Asiae Centralis);
- 1929 – Tadzikistania (quae antea fuerat res publica autonoma in Uzbecia);
- 1936 – Adrabigania, Armenia, Georgia (quae factae sunt rei publicae separatae post abolitionem Foederationis Transcaucasicae), Casachia et Chirgisia (quae antea fuerant rei publicae autonomae in Russia);
- 1940 – Estonia, Lettonia, Lituania (quae antea fuerant rei publicae sui iuris) et Moldavia (formata ex re publica autonoma Moldavorum, quae antea pars Ucrainae fuerat, et partis maioris Bessarabiae, quae annis 1918 – 1940 pars Romaniae fuerat).
Ob Bellum Sovieto-Finnicum (annis 1939–1940, etiam "Bellum Hiemale" dicitur) pars Finniae est ad Unionem Sovieticam adiuncta et inclusa in illo tempore formatam Carelo-Finnicam Sovieticam Socialisticam Rem Publicam (quae anno 1954 facta est res publica autonoma Carelica in Russia).
Bellum Orbis Terrarum II
Die 17 Septembris 1939, Germania et Unio Sovietica una Poloniam invaserunt, Bellum Orbis Terrarm II incipiens.[2] Per pactum abstrusum, Germania et Unio Sovietica Poloniam inter se dividerunt, sed Unio Sovietica publice dixit sola ea invadere ne Germani totam Poloniam capessant..
Die autem 22 Iunii 1941, copiae Germaniae Unionem Sovieticam invaserunt. Bellum Magnum Patrium incepit, quod detrimentum enorme affecit. CCCP cum auxilium Civitatum Foederatarum et Regni Britannici tandem Germaniam anno 1945 vicit. Post victoriam illam Unio Sovietica cum Civitatibus Foederatis Americae et aliis terris contra Iaponiam bellabat et recuperivit territoria, anno 1905 ab Imperio Russico perdita.
Bellum Frigidum
Anno 1945, CCCP fuit unus ex principalibus Consociationis Nationis conditoribus.
Post finem Belli Orbis Terrarum II accidit oppositio inter nationes "socialisticas", (quarum primaria erat Unio Sovietica) et "capitalisticas" (quarum principalis erant Civitates Foederatae Americae), "Bellum Frigidum" vocatur. CCCP adiuvabat regimines, quae declaraverunt intentionem constructionis socialismi in terris suis (in Corea Boreali, Cuba, Vietnamia, Afgania, etc.).
Illo tempore progressus scientiae technicaeque in Sovietica Unione valens erat, e.g.:
- 1954 – creata est prima in mundo officina electrica nuclearis.
- 1957 – creatus est primus satelles (sputnik ipso vulgo) artificialis Terrae.
- 1961 – perfectus est primus volatus hominis (viri nomine Georgius, ipso vulgo Iuri, Gagarin) in spatium cosmicum.
Anno 1991, CCCP dissoluta est. Mense Decembris eodem anno praesidibus Russiae, Ucrainae, et Concilii Supremi Rutheniae Albae dissolutionem Sovieticae Unionis approbantibus, conventionem de creatione Independentium Civitatum Foederationis subscripserunt.
In Nationum Consociatione, Rerum Publicarum Socialisticarum Sovieticarum Unionis successor est Russia.
Nota
- ↑ Unio hunc sensum habet secundum PONS Wörterbuch des neuen Latein: Deutsch-Latein (Deutsche Ausgabe von Lexicon recentis latinitatis. Klett: ISBN 3-12-517522-4)., ubi Unio Europaea adhibetur, sed Consociatio melius quam Unio potest Sojuz significare, vide Disputationem.
- ↑ Fischer, Benjamin B., "The Katyn Controversy: Stalin's Killing Field", Studies in Intelligence, Winter 1999–2000.
Vide etiam
